Mayroon ng pondo ang Department of Transportation (DOTr) para sa pagpapalawig ng Libreng Sakay program ng gobyerno hanggang sa Disyembre ng kasalukuyang taon.
Ito ang inihayag ni DOTr Chief Jaime Bautista na nakapag-set aside na ang Department of Budget and Management (DBM) ng pondo para sa nabanggit na programa.
Nabatid na humingi ng karagdagang pondo si LTFRB Chairperson Cheloy Velicaria-Garafil sa pamahalaan kaugnay sa nasabing extension dahil hanggang Setyembre lamang ang kanilang nakalaang budget.
Sa ilalim ng Libreng Sakay, nagha-hire ang gobyerno ng maraming bus para magbigay ng Libreng Sakay sa mga komyuter.
