Matamlay umano ang pagtanggap ng mga regional director ng PNP o Philippine National Police sa ibinigay na labing limang araw na ultimatum ni PNP Chief Director General Ronald Dela Rosa para sugpuin ang iligal na sugal sa kanilang nasasakupan.
Ito’y ayon mismo kay Dela Rosa makaraan niyang pulungin kahapon ang regional directors sa Kampo Crame para ibaba ang nasabing kautusan.
Gayunman, nilinaw ni Dela Rosa na sumang-ayon naman ang lahat ng regional directors nang kaniyang tanungin ang mga ito kung kakayanin ba ang ibinigay niyang deadline.
Sa huli, iginiit ng PNP Chief na wala siyang pakialam kung may masagasaan silang pulitiko sa kanilang idineklarang all-out war kontra sa illegal gambling.
