Hindi magdadalawang-isip ang Amerika na durugin at sirain ang buong North Korea kapag patuloy itong nagmatigas sa kanilang nuclear program.
Ito ang ibinabala ni US President Donald Trump sa kaniyang naging talumpati sa harap ng world leaders sa ginawang United Nations General Assembly sa New York.
Tinawag pang rocket man ni Trump si North Korean Leader Kim Jong Un na anito’y nasa isa nang suicide mission dahil sa walang patid na pagpapakawala ng missile nito.
Kaugnay nito, hindi naman nagbigay ng anumang reaksyon hinggil dito ang kinatawan ng Pyongyang na dumalo sa nasabing pagpupulong.
SMW: RPE
