Habang nasa golf club sa New Jersey si US President Donald Trump para sa kanyang 17 araw na working vacation, na-ispatan naman si Russian President Vladimir Putin para sa kanyang mini-break sa Southern Siberia.
Naglabas ng mga larawan ang Russian Government kung saan makikitang shirtless habang nangingisda ang nasabing lider.
Gamit ang isang GoPro camera, nakunan naman ang maaksyong paghuli ng isda ni Putin sa ilalim ng Siberian lake.
Bukod dito, naglaan din ng oras ang Russian President para makapag-hiking at mag-sunbathing.
Kasama niya sa kanyang mini-break si defense minister Sergey Shoigu, Tyva leader na si Sholban Kara-ool at ang pinuno ng Republic of Khakassia na si Viktor Zimin.
