Sa unang pagkakataon ay nagpaunlak ng one-on-one interview si Miss Universe 2015 Pia Wurtzbach sa host ng Good Morning America na si Lara Spencer kahapon.
Sa kanilang naging panayam ay ipinahayag ni Pia na hindi siya sang-ayon at hindi rin niya ma-imagine na dalawa sila ni Miss Colombia na magmamay-ari sa Miss Universe Crown dahil magiging mahirap ito.
Naniniwala si Pia na marami pang oportunidad ang darating sa controversial runner-up na si Ms. Colombia at nilinaw nito na mabuti ang relasyon niya sa co-beauty queen at katunayan ay binati niya ito noong birthday niya kasabay mismo ng Araw ng Pasko.
Sa huli ay tinanong si Pia tungkol sa kanyang Miss Universe crown, na suot-suot niya habang ini-interview at bagamat mabigat ang kanyang suot na korona ay nakangiti nitong sinabi na hindi siya nagrereklamo at kaya niya itong isuot kahit gaano pa katagal.
By Arianne Palma
