Naka-red alert na ang mga himpilan ng Philippine Coast Guard sa Zamboanga, Basilan,Sulu, at Tawi-tawi kasunod nang nangyaring magkasunod na pagsabog sa Jolo.
Ayon kay Philippine Coast Guard (PCG) commandant George Ursabia Jr., kanya nang inatasan ang kanilang mga K-9 units, safety inspectors at patrol boat operators na mas mahigpit na bantayan ang mga pantanlan, daungan, at mga dagat sa rehiyon.
Dagdag ni Ursabia, nakaantabay na rin ang K-9 units ng Philippine Coast Guard sakaling kailanganin ng karagdagang deployment ng Armed Forces of the Philippines.
Kaisa rin ang PCG sa isinasagawang imbestgasyon ng AFP at Philippine National Police gayundin sa pagtugon sa mga kinakailangang tulong ng mga biktima.
