Suportado ni Senador Christopher ‘Bong’ Go ang panukalang batas ng kapwa senador na si Ronald ‘Bato’ Dela Rosa na layong baguhin ang minimum height requirements sa mga nais na maging bahagi ng PNP, BJMP, BFP, at BOC.
Ayon kay Go, ito aniya ay tiyak na magiging daan para mapalakas pa ang pwersa ng ating mga first-responders at law enforcement.
Batay kasi sa Senate Bill # 1536, na inihain ni Senador Dela Rosa, nais nitong baguhin ang minimum height requirement sa mga kalalakihan at gawing 5’2”, habang 5’0” sa mga kababaihan.
Pagdidiin pa ni Go, ang naturang hakbang ay magbibigay ng oportunidad sa ating mga kababayan na lalo pang pagsilbihan ang bansa.
