Hindi pa masasabing opisyal na kandidato ang mga nagsumite ng certificate of candidacy (COC) kaya hindi pa epektibo sa kanila ang election laws ng bansa.
Ito ang naging pahayag ni COMELEC Spokesperson James Jimenez sa kabila ng mga isinasagawang caravan, ayuda o kahit ano pang aktibidad na mistulang kampanya ng mga presidential aspirants.
Ayon kay Jimenez, hindi lumalabag ang mga presidential aspirant sa batas maging ang mga nagsumite ng kanilang COCs.
Dahil dito, hindi pananagutin ang kahit sinong magbibigay ng ayuda o pera sa kahit sino kahit pa na malinaw na vote buying o early campaigning ito.
