Opisyal na nasaksihan ni Pangulong Rodrigo Duterte ang paglulunsad ng Presidential Security Group Station Hospital (PSGSH) sa Malakanyang Park.
Ang nabanggit na ospital ay mayroong emergency room, intensive care unit (ICU), out-patient department, laboratory, dental complex, radiology/imaging area, hyperbaric oxygen treatment complex, neuro at physical services, nursing unit o ward, private rooms at presidential suite.
Sinabi ng pangulo na ito ang pinakamagandang ospital na kanyang nakita sa maraming ospital na kanyang napuntahan.
Aniya, ang naturang ospital ay isang patunay sa pangako ng administrasyon na makapagbigay ng de kalidad na serbisyong medical sa ating hukbo.
Samantala, hinihikayat naman ng pangulo na samantalahin ng mga tauhan ng PSG ang hospital services at makabagong pasilidad ng nasabing ospital.
