Inilarga na rin ng ilan pang kumpanya ng langis ang rollback sa presyo ng kanilang mga produkto.
Epektibo alas 12:00 kaninang hatinggabi nang ipatupad ng Chevron ang sisenta sentimos na tapyas presyo sa kada litro ng gasolina, trenta’y singko sentimos sa diesel at bente sentimos sa kerosene o gas.
Ala 6:00 naman ngayong umaga ipinatupad ng Eastern Petroleum, Petron, Flying V, Total at PTT Philippines ang kahalintulad na rollback.
Ito na ang ikalawang beses na nagpatupad ng price rollback sa mga produktong petrolyo dahil sa paggalaw ng presyo sa international market at sa gitna ng dagdag excise tax sa langis.
