Sasailalim sa self-isolation si Pangulong Rodrigo Duterte sa kaniyang tahanan sa Davao City ngayong araw kasabay ng kaniyang ika-76 na kaarawan.
Ito ang inihayag ni Chief Presidential Legal Counsel Sec. Salvador Panelo kasunod na rin ng payo ng Presidential Security Group (PSG) maging ng mga doktor ng Pangulo.
Gayunman, tiniyak ni Panelo na magagampanan pa rin ng punong ehekutibo ang kaniyang tungkulin habang siya’y naglalaan naman ng oras sa kaniyang pamilya.
Nakatakda namang magbalik-Maynila bukas, araw ng Lunes ang Pangulo upang pangunahan nito ang pagsalubong sa humigit kumulang isang milyong bakuna kontra COVID-19 na binili ng Pilipinas mula sa Sinovac ng China.
