Nakatakdang makaharap ni Pangulong Rodrigo Duterte ang Filipino Community sa Riyadh Saudi Arabia ngayong araw.
Ito’y bilang bahagi ng dalawang araw na state visit ng Pangulo sa nasabing bansa na naglalayong tulungan ang mga Pinoy na naiipit sa ipinatupad na labor crackdown sa nasabing bansa.
Paglilinaw naman ni Presidential Spokesman Ernesto Abella, ang mga Pinoy na nabigyan ng amnesty at hindi ang mga nasa death row ang i-uuwi ng Pangulo tulad ng kaniyang ipinangako.
Umaasa naman ang mga Pilipino sa nasabing bansa na mabibigyang pansin ang kanilang hinaing dahil ilan sa kanila’y walang trabaho at hindi pa pinasuweldo ng kanilang naunang employer.
By: Jaymark Dagala
