Nilinaw ng NBI na walang ginawang pananakot sa staff ng Rappler ang mga ahente nitong umaresto kay Rappler CEO Maria Ressa.
Ayon kay NBI Cybercrime Division Chief Victor Lorenzo, walang dahilan para takutin nila ang mga tauhan ng Rappler na kumukuha ng video habang inihahain nila ang arrest warrant mula sa Manila RTC.
Samantala, tiniyak naman ni Justice Undersecretary Mark Perete na handa silang imbestigahan ang nasabing alegasyon ng Rappler.
Una nang inihayag ni Justice Secretary Menardo Guevarra na walang masamang kunan ng video ang ginagawang pag aresto basta’t hindi sila makikialam sa proseso ng paghahain ng arrest warrant.
Magugunitang ipinost sa social media ni Rappler Reporter Aika Rey na pinagbawalan siya ng isang NBI agent na kumuha ng video at kung hindi siya titigil ay babalikan siya nito.
