Integridad ang pinakamahalagang katangian na dapat tingnan ng mga botante sa mga susunod na lider ng bansa.
Ito ang inihayag ni Senate President Franklin Drilon sa gitna ng sinasabing pagbabatuhan ng putik ng mga posibleng kandidato sa 2016 elections.
Ayon kay Drilon, Vice Chairman ng Liberal Party, kung may masamang rekord ang isang kandidato ay uulitin lamang nito ang hindi magandang ginawa sakaling mahalal muli.
Mahalaga rin aniyang maging wais ang mga botante sa pagpili ng mga kandidato upang masigurong magpapatuloy ang repormang sinimulan ng Aquino Administration.
By Jelbert Perdez