Kinalma ng Malakanyang ang mga Pilipinong hindi pa rin nakatatanggap ng ikalawang dose ng kanilang bakuna kontra COVID-19
Ito ang inihayag ng palasyo makaraang mabahala ang mga naturukan na ng 1st dose ng SPUTNIK V dahil sa lagpas 12 araw bago sila tumanggap ng ikalawang dose nito.
Ayon kay Presidential Spokesman Sec. Harry Roque, mas mainam aniyang maantala ng 12 araw ang pagtanggap sa ikalawang dose dahil tumataas aniya ang efficacy rate nito batay sa pag-aaral ng Food And Drug Administration.
Binigyang diin pa ni Roque na ang kanilang pahayag ay nakabatay naman siyensiya na masusing pinag-aralan ng iba’t ibang siyentipiko sa mundo.
