Panahon na para magtayo ng evacuation centers sa buong bansa—solon

Kinalampag ni Bayan Muna Representative Carlos Isagani Zarate ang mga kapwa mambabatas na aprubahan na ang panukalang pagpapatayo ng evacuation centers sa buong bansa.

Ito ay sa harap ng pagtama ng magnitude 6.5 na lindol sa Leyte at nagpapatuloy na bakbakan sa Marawi kung saan marami ang nagsilikas.

Paliwanag ni Zarate, ang House Bill 1763 o ang Evacuation Centers Bill ay layong magpatayo ng mas ligtas na mga evacuation center.

Ito aniya ay para rin matigil na ang paggamit sa mga paaralan at multi-purpose hall bilang mga evacuation center sa oras ng anumang kalamidad.

By  Ralph Obina    

Comments

comments