Sinabi ni Acting Presidential Spokesperson at Cabinet Secretary Karlo Nograles na naka-focus ngayon sa muling pagbangon ng ekonomiya ng bansa at pagbabakuna ang COVID-19 action plan ng gobyerno.
Ayon kay Nograles, ginagawa na ngayon ng iba’t ibang grupo ng Pandemic Task Force ang National Action Plan Phase 5 o NAP 5 para labanan ang virus at maituon sa economic recovery kung saan, ibabalik ng pamahalaan ang mga nawalang kabuhayan ng mga Pilipino.
Layunin nitong maparami ang bilang ng mga negosyo at mga nagtatrabaho para sa ekonomiya ng bansa.
Sinabi ng kalihim na marami na ngayong nabakunahan laban sa COVID-19 at nakakuha na ng kanilang mga booster shots dahilan ng pagluwag ng restriksiyon at muling pagbukas ng mga negosyo at establisyimento. —sa panulat ni Angelica Doctolero