Kinondena ng women’s rights group na Gabriela ang walang abisong pagtanggal ng pamahalaan sa istatwa ng comfort women sa bahagi ng Roxas Boulevard sa Maynila.
Ayon sa Gabriela, ang ginawang pagtanggal sa nasabing estatwa ay maihahalintulad sa isang magnanakaw na nagsasamantala sa gabi.
Rep. @emmidejesus at the presscon earlier on the removal of comfort woman statue
We strongly denounce this move as this seeks to obliterate Japan’s history of abuse vs Filipino women during WWII pic.twitter.com/zNpZUtW51Z
— Gabriela WomensParty (@GabrielaWomenPL) April 28, 2018
Maituturing din anila itong isang paglapastangan sa dignidad ng mga kababaihan at pangiinsulto sa daan-daang Filipina na inabuso noong panahon ng pananakop ng Hapon.
Una nang sinabi ni Manila City Hall Administrator Atty. Eric Alcovenda na ang Department of Public Works and Highways o DPWH ang nagtanggal sa nasabing comfort women statue para bigyang daang ang pagsasaayos ng drainage sa nasabing lugar.
Dagdag ni Alcobenda, bukod sa nasabing estatwa, nakatakda ring alisin ng DPWH ang “Unang Hakbang at Marine Officer” statue sa Roxas Boulevard.
Kinumpirma naman ng DPWH ang pagtanggal nila sa tatlong estatwa sa Roxas Boulevard para sa pagsasaayos ng Roxas Boulevard baywalk area gayundin ng gagawing flood control project.
—-