Nakapagtala na ng kaso ng COVID-19 variant mula sa United Kingdom at South Africa sa pitong lungsod sa Metro Manila.
Ayon kay Health Undersecretary Maria Rosario Vergeire, maliban dito may 11 siyudad pa rin sa NCR ang mayroong UK variant at pitong South Africa variant.
Tumanggi namang tukuyin ni Vergeire ang pitong siyudad na nakitaan ng UK at South African variant.
Sinabi naman ni Vergeire na sa kabuuang sample specimen na isinailalim sa sequencing ng Philippine Genome Center, 5.5% ang nagpositibo sa South African variant habang 3.5% naman sa UK variant.
Aminado si Vergeire, na hindi sapat ang pagsunod lang sa minimum public health standards lalo’t nagsisimula na naman ang pagtaas ng kaso ng COVID-19 sa bansa.
Iginiit ni Vergeire, na sa ganitong sitwasyon napakahalaga ng pagkilos ng mga lokal na pamahalaan para mapigilan ang transmission ng virus sa kanilang mga nasasakupan. — ulat mula kay Aya Yupangco (Patrol 5)