Masaya ang Palasyo sa nilagdaang Department Order 174 ni Labor Sec. Silvestre Bello na nag re-regulate sa sub – contracting at contracting ng mga manggagawa.
Sinabi ni Presidential Spokesman Ernesto Abella, ang paglalabas ng kautusang ito ay isa sa mga hakbang na kinakailangan para matupad ang ipinangako ng Pangulong Rodrigo Duterte noong panahon ng kampanya na maprotektahan ang karapatan ng mga Obrero.
Tiniyak ni Abella na patuloy na isusulong ng pamahalaan ang pagkakaroon ng makatao at pantay na pagtrato sa mga manggagawa, at umaasa rin ang Palasyo sa kooperasyon ng mga employers, sa pagpapatupad ng naturang kautusan.
By Katrina Valle |With Report from Aileen Taliping
