Tiniyak ng Department of Trade and Industry (DTI) na walang pagtaas sa presyo ng mga pangunahing bilihin.
Kasunod ito nang pagbasura ng DTI sa kahilingang magtaas ng presyo ang ilang manufacturers ng gatas, sabong panlaba, canned meats at mga suka at toyo.
Ayon kay DTI Undersecretary Ruth Castelo, hindi nila pinayagan ang P0.50 hanggang P2.00 dagdag presyo na hinihiling ng manufacturers para sa kanilang mga produkto.
Tiniyak ni Castelo na mahigpit nilang babantayan ang mga manufacturer laban sa pagtataas ng presyo ng kanilang mga produkto.
