Nagpahayag ng kanilang interes ang Standard Chartered Bank hinggil sa panukalang paglalagay ng train system sa Mindanao sa ilalim ng Build, Build, Build Program ng administrasyong Duterte.
Ito’y ayon kay Finance Secretary Carlos Dominguez matapos ang naging pakikipagpulong sa kaniya ng mga opisyal ng naturang international bank na nakabase sa Pilipinas.
Kasunod nito, nag-alok din ng kanilang serbisyo ang Standard Chartered upang mabilis na mailipat bilang infrastructure bank ng Pilipinas ang DBP o Development Bank of the Philippines.
Kabilang din sa tinalakay sa nasabing pulong ang plano ng Pilipinas ang Chinese Renminbi Denominated Panda Bonds na hawak ng bansa ngayong taon.
By: Jaymark Dagala
