Aminado si Senador JV Ejercito na may malaking kakulangan ang gobyerno sa pamamahagi ng mga housing project.
Ayon kay Ejercito, mabagal din ang pamamahagi ng mga natapos na pabahay kaya’t umabot na sa 5.5 Million ang backlog.
Sa nasabing bilang anya ay kailangang mamahagi ng isa punto dalawang milyong pabahay upang mabawasan ang malaking pagkukulang o nasa 300,000 housing unit ang dapat ipamahagi sa mga mahirap na walang bahay kada taon.
Pinayuhan naman ni Ejercito ang grupong KADAMAY na unawain ang gobyerno lalo’t kumikilos naman ito upang maging maayos ang programa sa pabahay at hindi rin maaaring payagan ang iligal na pag-okupa ng mga miyembro ng naturang urban poor group sa mga housing project sa Pandi, Bulacan na nakalaan para sa mga sundalo at pulis.
Ipinanukala naman ng Senador ang pagtatatag ng Department of Human Settlement upang mapag-isa ang anim na ahensya ng gobyerno na nakatutok sa housing project at mapabilis ang trabaho.
By: Drew Nacino / Aya Yupangco