Kailangan ipagpatuloy ang pagsusuot ng face mask kahit na bumubulusok ang kaso ng COVID-19 sa bansa.
Ito ang naging pahayag ni Infectious Disease Expert na si Dr. Rontgene Solante na posibleng hindi na kailanganin pa na magsuot ng face mask kung patuloy na makapagtatala ng mas mababa pa sa 200 ang arawang kaso sa susunod na dalawa hanggang tatlong buwan.
Ngunit kinontra ito ni OCTA Research Fellow Dr. Butch Ong, kung saan dapat aniya na mag-ingat pa rin ang publiko lalo’t mayroon nang local transmission ng Ba.2.12.1 sa bansa na mas mabilis makahawa kumpara sa orihinal na Omicron variant.
Dagdag ni Ong, maaari kasi na hindi natin nakikita ang tunay na sitwasyon ng Covid-19 sa bansa dahil na rin sa napakababang testing.
Samantala, ipinabatid ni Dr. Maricar Limpin ng Philippine College of Physicians, na posibleng may mga sintomas ng COVID-19 ang hindi na nagpapa-test dahil sa takot na mawalan o mahinto ulit sa pagtatrabaho.
