Kasalukuyan pang bineberipika ng militar ang lumabas na ulat na pinugutan na umano ng ASG o Abu Sayyaf group ang isa nilang bihag sa Sulu.
Ayon kay AFP Spokesman Brig. Gen. Restituto Padilla, inaalam na ng Western Mindanao Command kung totoo ang balitang pinugutan si Noel Besconde sa barangay Tugas sa bayan ng Patikul noong Sabado.
Ang pamumugot ay ginawa umano ng grupo ni asg Sub-Leader Almujer Yadah.
Disyembre ng nakalipas na taon nang dukutin ng mga bandido si Besconde, kapitan ng F/B Ramona 2 sa bahagi ng Celebes Sea.
By: Meann Tanbio
