Pagkakadawit sa ‘narco-list’.
Ito ang isa sa mga anggulong iniimbestigahan ng binuong special investigation task group matapos barilin at mapatay si dating Congressman Eufranio ‘Franny’ Eriguel sa Barangay Capas sa Agoo, La Union noong Sabado ng gabi.
Ayon kay Superintendent Marlon Paiste, Information Officer ng PRO-Region 1, sinisilip na nila ang lahat ng mga anggulo sa nasabing krimen lalo na ang isyung pulitikal.
Sinasabing kabilang ang dating kongresista sa narco-list na hawak at binanggit noon ng Pangulong Rodrigo Duterte.
Una nang inihayag ng Agoo Police ang dalawang persons of interest na kinukunsidera nilang maaaring makapagbigay ng linaw sa insidente.
—-
