Fake news umano ang napaulat na paglisan ni Secretary Silvestre Bello III sa Department of Labor and Employment o DOLE.
Ito ay ayon mismo kay Bello na mariing itinanggi ang kaniyang pag-alis sa nasabing kagawaran bilang paghahanda umano sa pagtakbo nito bilang senador sa 2019.
Giit ni Bello biro lamang ang mga binitiwang salita ni Pangulong Rodrigo Duterte ng sabihin nito sa harap sa mga leader ng iba’t ibang Lumad group sa Davao na siya ay aalis na bilang kalihim sa DOLE.
Samantala, ipinabatid ni Bello na patuloy na kumikilos ang ahensya kaugnay sa imbestigasyon ng tunay na kalagayan ng mga Overseas Filipino Worker sa Kuwait.
—-
