Nakapamahagi na ang Department of Health (DOH) ng P19.65-B na benepisyo para mga healthcare workers.
Batay sa accomplishment report ng ahensya mula July hanggang December 2022, kasama ang hazard pay sa mga benepisyong ibinigay nila sa mga medical personnel.
Nasa 1,624,045 healthcare workers din ang nakatanggap ng kanilang One COVID Allowance o ang health emergency allowance habang 73,711 workers ang nabigyan ng special risk allowance.
Una nang sinabi ni Pangulong Ferdinand Marcos Jr. na bukas ang kaniyang opisina para pag-usapan ang mga concern ng mga nurse at iba pang healthcare workers.
