Mahigpit na tinututukan ni Pangulong Ferdinand Marcos Jr. ang problema sa online gambling sa bansa, lalo na at maraming Pilipino ang nalulong dito.
Tiniyak din ng Malacañang na hindi hahayaan ng Pangulo na masangkot sa sugal ang mga mamamayang Pilipino.
Dahil dito, naghain ang ilang mambabatas ng mga panukalang batas na nagsusulong ng total ban sa online gambling.
Ayon kay Palace Press Officer Undersecretary Claire Castro, anuman ang panukalang isinusulong ng ating mga mambabatas ay pag-aaralan nang mabuti.
Giit ni Usec. Castro, kung ano ang makakabuti para sa taumbayan ay doon papanig ang Pangulo.
