Walang balak ang Department of Agriculture na magpatupad ng Suggested Retail Price sa bigas.
Ito ang binigyang diin ni Agriculture Assistant Secretary at Spokesman Arnel De Mesa, sa kabila ng mga ulat na umabot sa P75 kada kilo ang presyo ng bigas sa Bicol Region.
Ayon kay Assistant Secretary De Mesa, wala rin balak ang d-a na magpatupad muli ng panibagong price cap sa naturang pangunahing bilihin.
Paliwanag ng opisyal, nakatuon ang atensyon ng departamento sa supply ng bigas sa bansa.
Iginiit naman ni Bantay Bigas Spokesperson Cathy Estavillo na patuloy na nagmamahal ang presyo ng bigas, sa kabila ng ulat ng Philippine Statistics Authority (PSA) na tumaas ang produksyon ng palay noong nakaraang taon sa 20.5 million metric tons, kumpara sa 19. 75 million metric tons noong 2022. – sa panunulat ni Charles Laureta