Aabot na sa kalahating bilyong pisong halaga ng pera ang tinangay ng mga miyembro ng ISIS-Maute Group sa Marawi City, Lanao del Sur.
Ayon kay Presidential Spokesman Ernesto Abella, batay sa pahayag ng mga nakatakas na bihag, napilitan ang mga ito na magnakaw para sa mga terorista.
Nagmula anya ang mga ninakaw na pera at iba pang kagamitan sa mga bahay at business establishment.
Mayroon ding sinusunod na schedule ng pagnanakaw ang mga nailigtas o nakatakas na bihag na ang ilan ay sapilitang kinonvert sa Islam o papatayin kung tatanggi.
Nito lamang Lunes, mahigit isanlibo pitundaan (1,700) pang hostages ang nailigtas ng militar mula sa Dansalan College na pinagkutaan ng mga terorista.
By Drew Nacino
Ninakaw na pera ng Maute sa Marawi aabot na sa kalahating bilyon was last modified: July 5th, 2017 by DWIZ 882