Inaabangan na ang pinakabagong album ni Kim Chiu.
Ito ay dahil sa kabila ng busy schedule ng dalagang aktres ay masaya nitong inanunsyo na tapos na siya sa recording ng lahat ng mga kantang kasama sa kanyang music project.
Ibinahagi ni Kim ang kanyang excitement para sa bagong proyekto na handog niya sa kanyang mga taga-suporta.
Nag-post din ito ng isang larawan habang nasa recording studio na may caption ng pagpapasalamat sa Star Music na nasa likod ng kanyang bagong album.
Sa ngayon ay wala pang pormal na anunsyo kung kailan ilalabas ang nasabing album.
Ito na ang ikatlong music album ni Kim matapos ang “Gwa Ai Di” noong 2007 at “Chinita Princess” na inilabas noong 2015.
Ilan sa mga kanta ni Kim ay ang ‘Wala Man Sayo ang Lahat’ at ‘Mr. Right’.--AR
Photo: chinitaprincess / Instagram
Videos: ABS-CBN Starmusic / Youtube
