Nakatakdang kasuhan ng Manila Electric Company (Meralco) ang isang netizen dahil sa pagpapakalat ng maling impormasyon.
Ito’y makaraang palabasin ng nasabing netizen sa kaniyang post sa social media na mayroon umano siyang bill na aabot sa P1.7-M.
Ayon sa Meralco, nabatid na ang ipinakitang montly bill ay para sa SM development corporation at isa itong corporate account sa mahigit 1,000 service units nito.
Giit ng Meralco, walang anumang residential account ang may ganitong kataas na billing sa kuryente kaya’t malinaw na isa itong panlilinlang sa publiko para siraan sila.
