Bumaba ang bilang ng tawag at reklamo kaugnay ng holiday scams ngayong papalapit ang Pasko.
Ito, ayon sa Cybercrime Investigation and Coordinating Center, ay dahil sa epekto ng kanilang “12 Scams of Christmas Awareness Campaign” na inilunsad ng pamahalaan.
Ayon kay CICC Undersecretary Aboy Paraiso, katuwang ang Gogolook, ScamWatch Philippines, PNP-ACG, at Meta, layunin ng kanilang kampanya na bigyan ng babala at kaalaman ang publiko tungkol sa mga karaniwang scams tuwing Pasko.
Dahil sa naturang hakbang, kapansin-pansin anya na mas nagiging maingat at mapanuri ang mga mamimili kaya bumaba ang mga ulat at tawag sa kanilang hotline number 1326.
