Tiniyak ng Pamahalaang Lungsod ng Taguig ang paglalaan ng mas malaking pondo para sa libreng pag-aaral ng kanilang mahihirap na mag-aaral.
Ayon kay Taguig City Mayor Lani Cayetano, naglaan na sila ng 750 milyong piso sa taong ito para naman sa scholarship fund ng kanilang mga mag-aaral.
Kasunod nito, ipinagmalaki rin ni Cayetano na pinatunayan ng 3 senior citizen sa kanilang lungsod na hindi hadlang ang edad para matuto at mairaos ang pag-aaral.
Kabilang dito ang 82 anyos na si Mwusews Anthony Mari Diaz, 73 anyos na si Luvisminda Fajardo at 63 anyos na si Erlinda Dejumo.
Kasama ang 3 senior citizens sa may 1,285 na mga nagsipagtapos sa elementarya at high school sa Taguig City sa ilalim ng Alternative Learning System (ALS).
Abot-abot naman ang pasasalamat ng 3 seniors dahil sa tinulungan naman sila ng kanilang mga guro sa kabilang patuloy nilang pagbabanat ng buto para may makain sa araw-araw.
