Nakataas na sa blue alert status ang ilang regional offices ng NDRRMC o National Disaster Risk Reduction and Management Council.
Ito’y bilang paghahanda sa inaasahang pagpasok ngayong hapon sa Philippine Area of Responsibility o PAR ng bagyong ‘Lannie’.
Ayon kay NDRRMC Spokesperson Romina Marasigan, nakahanda na ang kanilang mga lokal na tanggapan at lokal na pamahalaan sa anumang epekto ng pagpasok ng bagyo.
Nakipagpulong na ang NDRMMC kasama ang iba’t ibang ahensya ng gobyerno tulad ng Department of Social Welfare and Development (DSWD), Department of Health (DOH), Armed Forces of the Philippines (AFP), Philippine National Police (PNP) at iba pa.
Paalala ng NDRRMC sa publiko, manatiling naka-alerto at naka-monitor sa telebisyon at radyo.
Ulat ni Jonathan Andal
_____
