Balik na sa pagtitinda ang mga meat vendors sa Blumentritt Market sa Maynila matapos ang pakikilahok sa dalawang araw na ‘pork holiday’.
Sa ngayon, naglalaro na lamang sa P270 hanggang sa P300 ang presyo ng kada kilo ng baboy, sang-ayon sa itinakdang price cap ng punong ehekutibo.
Ito’y mas mura sa dati nitong presyo na naglalaro sa P390 hanggang P400 kada kilo.
Paliwanag ng mga meat vendors sa naturang pamilihan, wala naman silang iba pang hangad kung hindi mapababa lang ang presyo ng mga karne ng baboy at manok para anila mas marami rin ang kanilang maibenta.