Inihayag ni Volunteers Against Crime and Corruption (VACC) President Dante Jimenez na napapanahon sa pagpasok ng Duterte Administration ang National ID system upang lalo pang mapaigting ang kampanya nito laban sa korapsyon at krimen sa bansa.
Masosolusyunan din, umano, ang mga kasong pagnanakaw sa kaban ng bayan, iligal na droga, karahasan sa kababaihan at kabataan, at iba pang karumal-dumal na krimen.
Dagdag pa ni Jimenez, mapabibilis din ang transaksyon ng mga mamamayan sa mga ahensya ng pamahalaan kung maipatutupad ang National ID system.
Gayunpaman, aminado ang Volunteers Against Crime and Corruption na maraming kumukontra sa panukalang National ID system dahil maaaring nitong masagasaan ang right to privacy.
By: Avee Devierte
