Inilipat sa mga ospital at hotels ang mga COVID-19 patients na nananatili sa mga mega-treatment facilities, kabilang na sa Philippine Arena at Philippine International Convention Center (PICC), kasunod ng sama ng panahon na dulot ni typhoon Rolly.
Ayon kay National Disaster Risk Reduction and Management Council (NDRRMC) Administrator Undersecretary Ricardo Jalad, nagmula din ang iba pang inilikas na mga pasyente sa ninoy Aquino Stadium, Rizal Memorial Coliseum, at We Heal As One Center – Filinvest tent.
Pahayag ni Jalad, kasama din sa kanilang mga inilipat ang mga nakatira sa mga tents dahil hindi aniya nito kakayanin ang malalakas na hangin na dala ng bagyo.
Tinatayang nasa halos 1,000 pasyente na ng COVID-19 ang kanila aniyang nailikas mula sa mga pasilidad patungo sa mga ospital at mga hotels.