Inako ng Islamic State Militants na sila ang may kagagawan ng nangyaring pagsabog sa kampo ng mga sundalo sa Indanan, Sulu na ikinasawi ng 8 katao at ikinasugat ng 22 iba pa.
Base sa Site Intelligence Group sa Estados Unidos, grupong nagmomonitor sa komunikasyon ng mga militant group sa buong mundo, naglabas ng statement ang IS East Asia Province na inaako nito ang dalawang suicide bombing incident Sulu.
Nakasaad rin sa site, ang mga ginawang pag-uusap ng mga Filipino jihadists para atakehin ang Facebook.
Samantala, kinumpirma naman ng bagong talagang hepe ng Armed Forces Western Command o WESTMINCOM na si Major General Cirilito Sobejana na dalawang suicide bomber ang umatake sa kampo ng 1st Brigade Combat Team o 1st BCT.
Agad na nasawi sa insidente ang tatlong myembro ng militar at tatlong sibilyan habang 12 sundalo at 10 sibilyan naman ang nagtamo ng mga injury sa ibat-ibang bahagi ng kanilang katawan.
