Nasunog ang music studio ng opm singer-song writer na si Jimmy Bondoc.
Sa Facebook post ng singer, kaniyang ibinahagi ang mga larawan mula sa kaniyang nasunog na studio kung saan, natusta ang ilan sa kaniyang mga musical instrument na ilang taon niyang pinagtrabahuhan.
Ayon kay Jimmy, nagsimula umano ang sunog sa kaniyang aircon na nasa loob ng kaniyang studio.
Sinabi ni Jimmy na swerte parin siya dahil ligtas at walang nasugatan sakanila.
Sa hiwalay na Facebook post, nakiusap si Jimmy sa kanyang mga followers na nagnanais tumulong na ipaabot na lamang ang kanilang donasyon sa dalawa niyang kaibigan na higit na nangangailangan.
