Wagi bilang Best actress sa 41st Cairo International Film Festival si Judy Ann Santos.
Ito ay para sa kanyang role sa pelikulang Mindanao na official entry rin sa 45th Metro Manila Film Festival (MMFF) ngayong Disyembre.
Ginanap ang awards night ng nabanggit na International film festival kagabi sa Cairo Opera House sa Egypt.
Si Judy Ann ang ikalawang pinay actress na nagwagi ng best actress sa Cairo International Film Festival kasunod ni Nora Aunor noong 1995 sa pelikula namang Flor Contemplacion story.
Kasunod naman ng pagkakapanalo ni Judy Ann ng International awards, tumaas din ang tsansang manalo ito sa gabi ng parangal ng 45th Metro Manila Film Festival na gaganapin sa December 27.
