Natapos man ang Pasko at Bagong Taon, muling nakatanggap ng regalo ang Kapamilya star na si Jodi Sta. Maria.
Ito ay matapos na manguna ang aktres sa kanilang klase, kung saan nakakuha ito ng GPA na 3.670.
Sa ibinahaging larawan ni Jodi sa kanyang Instagram, sinabi nito na sobra siyang proud sa kanyang sarili dahil sa natanggap na biyaya sa kabila ng kanyang hectic schedule at iba pang pinagdaanan.
Aniya, sana ay magsilbing inspirasyon siya sa iba para ipagpatuloy ang laban ng buhay.
Samantala, nagpasalamat si Jodi sa Panginoon dahil aniya kung wala ito ay hindi niya maaabot ang naturang ‘blessing’.
Si Jodi ay kasalukuyang nag-aaral ng kursong Psychology sa Southville International School and Colleges.
Matatatandaang sa unang panayam sa aktres, sinabi nito na gusto niyang maging guidance counselor o rehabilitation specialist oras na makapagtapos siya.