Mahigit sa 800 pasahero ng MRT-3 ang pinababa matapos magka-aberya ang sinasakyang tren sa northbound lane ng Shaw Boulevard station.
Batay sa abiso ng MRT-3, nagkaroon ng door failure ang isa sa mga bagon ng tren dakong 6:30 ng umaga.
Gayunman, makalipas lamang ang dalawang minuto ay nakasay rin ang mga pasahero sa kasunod na tren.
Muling nagpa-alala sa mga pasahero ang MRT-3 management na huwag sasandalan ang pintuan ng tren at huwag rin itong pupuwersahing buksan.