Nilinaw ng Metropolitan Manila Development Authority (MMDA) na “fake news” ang impormasyong kumakalat na hindi umano makakatanggap ng ayuda ang mga hindi pa nabakunahan kontra COVID-19.
Ayon kay MMDA Chair Benhur Abalos, dahil sa fake news na ito ay nag-panic ang mga tao at nagpunta sa mga vaccination center.
Nakatanggap aniya si Abalos ng ganitong ulat o insidente sa Maynila, Masinag sa Antipolo at Las Piñas.
Kaugnay nito, binalaan ni Abalos ang mga nasa likod ng pagpapakalat ng fake news na ito at tiniyak na iimbestigahan ng National Bureau of Investigation.