Itinalaga ni Pangulong Rodrigo Duterte ang Commanding General ng Philippine Army na si Lt/Gen. Andres Centino bilang ika-57 Chief of Staff ng Armed Forces of the Philippines (AFP).
Ito ang kinumpirma ng mga source ng DWIZ Patrol mula sa Sandatahang Lakas bagama’t hinihintay pa nila ang magiging opisyal na Pahayag hinggil dito ng Palasyo ng Malakaniyang.
Papalitan ni Centino si Outgoing AFP Chief of Staff Gen. Jose Faustino na magreretiro na ngayong araw kasabay ng kaniyang ika-56 na kaarawan at siyang mandatory retirement age para sa mga nasa unipormadong hanay.
Si Centino ay miyembro ng Philippine Military Academy (PMA) Maringal Class of 1988 at mistah ng kasabay niyang uupong pinuno naman ng Philippine National Police (PNP) na si P/LtG. Dionardo Carlos.
Sa edad na 54 taong gulang, si Centino ang ika-11 Chief of Staff at pinakamahabang manunungkulan sa ilalim ng Administrasyong Duterte dahil sa Pebrero 2023 pa ang kaniyang retirement date. —sa ulat ni Jaymark Dagala (Patrol 9)