Aabot sa higit 700 ang bilang ng mga turistang pumasok sa Boracay Island.
Ayon sa Civil Aviation Authority of the Philippines (CAAP), nasa kabuuang 718 mga turista na pawang mula sa NCR plus bubble ang dumating sa Boracay island, kahapon, ika-6 ng Hunyo.
Sa datos ng CAAP, nasa pitong flights ang dumating sa Caticlan Airport at lahat ito ay patungo sa isla ng Boracay.
Kaugnay nito, una namang tiniyak ni Transportation Sec. Arthur Tugade na mahigpit ang mga paliparan sa bansa sa pagtitiyak na nasusunod nang maayos ang mga health protocols sa bansa.
