Aminado ang AFP o Armed Forces of the Philippines na blangko sila sa kung sino ngayon ang tumatayong pinuno ng Maute ISIS terror group sa Marawi City.
Ito’y makaraang mapatay ang dalawang pinakamataas na lider ng nasabing grupo na sina Isnilon Hapilon at Omar Maute gayundin ang Malaysian Terrorist na si Dr. Mahmud Ahmad.
Ayon kay Col. Romeo Brawner, Commander ng Joint Task Force Ranao, bagama’t patay na ang mga kilalang lider terorista, nananatili pa ring organisado ang depensa ng mga bandido.
Kasunod nito, sinabi ni Brawner na nagtatago pa rin aniya ang nalalabing terorista sa maliliit na gusali sa loob ng isang ektaryang lupain sa Marawi City at ginagamit ang kanilang mga bihag bilang human shield.
