Maging instrumento ng positibong pagbabago.
Ito ang naging buod ng mensahe ng Pangulong Rodrigo Duterte bilang pakikiisa sa paggunita ng sambayanang Pilipino sa Undas.
Ayon sa Pangulo, panahon ito upang alalahanin ang mga yumaong mahal sa buhay na naging malaking parte ng ating buong pagkatao.
Pahayag ng Punong Ehekutibo, hindi nawalan ng saysay ang kanilang paglisan dahil naging simbolo lamang ito upang mamulat ang bawat isa sa katotohanan na kailangan natin ang Diyos sa ating buhay.
Ngayon din aniya ang tamang pagkakataon upang pagnilay-nilayan ng mga positibong bagay na makatutulong para magkaroon ng tunay na pagbabago at pag-unlad hindi lamang sa sarili kundi maging sa buong komunidad.
(Ulat ni Jopel Pelenio)
