Ipina-aaresto ni Foreign Affairs Secretary Teddy Boy Locsin ang mga Overseas Filipino Workers (OFWs) na tumakas sa quarantine facilities ng Philippine Coast Guard (PCG).
Sinabi ni Locsin na dapat ring simulan agad ng contact tracing sa mga nakasalamuha ng mga tumakas kapag naaresto na ang mga ito.
Ayon sa PCG, tumakas ang ilang OFWs sa quarantine facility bago pa man lumabas ang resulta ng kanilang coronavirus disease 2019 (COVID-19) test.
Kalaunan anya ay napag-alaman ng PCG na ilan sa mga tumakas ang positibo sa COVID-19.
